永远的偶像哥哥张国荣逝世7周年电影作品纪念专场<

浏览过的版块

等级大校

威望151

贴子119816

魅力122144

注册时间2007-05-08

apple:-)

查看全部

<b><font color="#008000" size="4"> 永远的偶像哥哥张国荣逝世7周年电影作品纪念专场<

12264

133

2010-03-13 16:19:00

以下是引用CINDYCINDYBABY在3/11/2010 11:47:00 PM的发言：

何宝荣话：“黎耀辉，不如我地由头再来过。”

我都好想话：“哥哥，不如我地由头再来过。”

之不过，哥哥，我都知道，呢个世上，有好多嘢，都系无可能再由头来过嘅。咁，点算呢？

潮州佬幼稚园校长，一而再再而三同麦兜小朋友讲：“唔算都要算架啦。”

但系，哥哥，都过咗七年了，我都仲系唔舍得。

呢几年，唔似头两年咁难过，人前亦唔会成日提住你。人大个咗，就要成熟啲，好多嘢，平时都系收收埋埋，放入心度，等到静落来了，时不时摊出来望一望，一个人出下神。出神个阵，就好想话：“不如我地由头再来过吖。”其实都无乜嘢嘅，不过系固执咁希望你仍处于呢个星球上，无论你身处边度，总希望你开心啲。You deserve it.

然后，将来总有一日......总有一日，会再见到你嘅。

前排去西荷里活一带，中意黄昏时分，开车经过日落大道，一边听住个首《Boulevard of Broken Dreams》，一边望住车窗外嘅余光。中意听住呢首歌嘅时候，见住啲街灯系半灰半亮嘅天色下，一盏一盏点起，觉得好有Feel。"Where gigolo and gigolett/Can take a kiss without regret/So they forget their broken dreams. " 你曾经唱呢首歌作为《春光乍泄》的backup电影原声。一直到最近，先知道呢首歌系源于1934年嘅老电影"Moulin Rouge", 歌词背景系巴黎。嗯，巴黎，你中意嘅地方之一。其实所有大都会里边，多少都有咁样嘅大道，一年又一年，好多年青人来追寻梦想。我望住眼前呢个，据称系有好多好多天使嘅城市，十年一觉美国梦，醒来，不过系用我所有去换我所未有。得到一啲，失去一啲，其实咁多年落来，亦不过系守恒罢了。无乜成就，只系，光阴就咁样过咗去了。对于得到嘅，多数都系唔多在意，对于失去嘅，总系成日挂住，咁样，其实好难得开心。索性，唔好胡思乱想咁多嘢，愈简单嘅人，愈容易快乐。逃避又好，自嘲又好，人，总要活在当下。只系，个心，系天色半明半灭嘅时候，无限怅惘。

七月嘅时候，返到家乡，十几年无见过台风了，终于遇番上一回。三十八度，天气真系太热，低压中，好焗，好闷。真系好渴望台风登陆，啊，听住个首《十号风球》：“风眼是这样蓝”，系漩涡中激荡。好中意你唱明哥呢首歌。天上风起云涌，大雨，好似白色面筋咁落下，无边无际，淋漓一夜不息。想番起少年时恣意咁挥霍青春。“想要飞，要飞到最高；要下跌，便跌落最低；我愿意。。。在赤道诞生吧。”一时间，好想冲落楼下，好似细个个阵咁，系大雨中，飞奔过几条街。好痛快，好尽兴咁淋雨，将所有唔开心，所有闷气一扫而光。返去合眼一觉，醒来又系新人，乜嘢唔掂都可以由头来过。好中意热带海岸嘅台风，吹枯拉朽，鲜明坦荡，一如你嘅风格，做乜嘢都系去到最尽。

不过大个咗都知道，普通人嘅话，净系挂住快乐系唔得嘅。太过旁若无人亦系唔得嘅。会跌得好痛，好痛。所以会好羡慕个啲敢为人先，敢作敢当嘅人。深夜，将手伸出阳台，接住好硬咁打落来嘅雨水，手板觉得有啲痛，但系有鲜活嘅感觉，唔再系一潭死水。

其实再唔再来过都唔系咁紧要，曾经同途遇上，已经系好大嘅福气。You always inspire me, give me courage, in this lonely planet. Thank you, Leslie.

此主题相关图片如下91026171_7d0b861dd0_o.jpg：

[此贴子已经被作者于2010/3/12 0:35:45编辑过]

mm 你写的我都哭了。。。
抱抱～

初始化编辑器...

到底了

热门版块